Þóra Kristín

Hæ, hæ!

Komst loksins inn á síðuna. Ég var í fríi í dag, leikskólinn var lokaður og skólinn ekki byrjaður, þannig að ég var bara í rólegheitum með krökkunum mínum í dag. Við fengum okkur að borða í hádeginu með Emmu vinkonu og Blæng syni hennar á Kaffi Torgi, og þar fékk ég án efa einn versta fisk sem ég hef á ævinni fengið, algjör peningasóun:( þetta var var ógeðslegt. Svo kíktum við krakkarnir niður á slökkvistöð og fengum okkur kakó og spjölluðum aðeins við strákana. Rolf fékk svo að æfa sig í að taka blóðþrýsting á krökkunum, og þau voru ekkert smá ánægð með alla þessa athygli. Svo fórum við heim og slöppuðum aðeins af, áður en við fórum til mömmu og elduðum fyrir gömlu. Amma og afi komu svo þangað og afi stríddi krökkunum þangað til að þau voru orðin alveg snar, og þá var tími til kominn að halda heim og koma krílunum í háttinn. Ég var ekkert smá glöð þegar ég kom Ella Goða sofandi upp, hélt að þetta væri bara komið hin stóru börnin mín voru svo góð að fara að sofa, en nei. Elli Goði vaknað aftur kl 23:30, hinn hressasti eftir 3,5 klst. svefn og var bara að sofna núna, sá verður aldeilis brosmildur í fyrramálið, eða þannig. Ég er farin að kvíða fyrir að vekja hann í fyrramálið, úff, hann getur verið hryllilega erfiður í skapinu þegar hann er þreyttur. En þetta verður örugglega ekkert mál, ég verð bara að vera jákvæð, þá gengur allt miklu betur. En ég var svo ánægð með hana mömmu í dag. Hún ætlar að leyfa krökkunum að gist hjá sér um helgina af því að ég er að vinna á Amor bæði fös. og laugardagskvöld. Og það er alveg frábært, ég get þá kannski sofið eitthvað smá um helgina þó lítið sé. Ég fékk svo smá pistil frá Emmu vinkonu í dag, og ég er búin að vera að hugsa mikið um það sem hún sagði og þetta er flest allt rétt hjá henni, enda er hún góð vinkona. ég ætla að fara að slaka á í djamminu og fara að gera eitthvað í mínum málum, mér var farið að líða svo vel, en nóvember og desember hafa verið erfiðir. Þá er ekkert annað að gera en sparka í rassinn á sér og laga hlutina. Fara aftur í ræktina, ljós, út að labba,í sund með krakkana, í fótbolta með Orra, drífa sig í að fara að skjóta smá af svartfugl með strákunum og tala við sálfræðing, og reyna að koma þessari ógeðslegu fortíð eitthvað langt í burtu. Það er ekki hollt fyrir nokkurn mann eða konu að vera með svona sár á sálinni og hjartanu. Ég er nefnilega að verða komin aftur í þennan pakka að hata sjálfa mig eins og ég gerði. En stopp strax, það er miklu léttara að byrja aftur núna áður en þetta verður verra. En hlutirnir eru nú ekkert afleitir samt, og mér líður ekkert brjálæðislega illa, og núna liggur leiðin bara uppá við. En ég ætla að fara að koma mér í bólið og reyna að sofa aðeins. Góða nótt fallega og frábæra fólk.

Komið þið blessuð og sæl og GLEÐILEG JÓL!

Hér er allt fínt að frétta, ég var að henda kjúlla í ofninn og búa til helling af salati, Michael ætlar að koma og borða með mér, sem betur fer því ég nenni ekki að borða ein. Ég get  ekki hugsað mér að borða meira ef reyktum mat núna eða rjóma og einhverju svona jukki. Núna er það bara fullt af spínati, klettasalati og ristuðum hnetum og fræjum útá salatið smá fetaost og balsamikedik. Ég elska kjúklingabringur sem eru ekki of eldaðar, nammi. Eftir áramót verður svo ekki étinn svona mikill matur og bjórneyslan verður að minka líka. Og ég hlakka svo til að byrja í ræktinni aftur. Ég verð brjáluð á þessu hreyfingaleysi. Ég er búin að ákveða áramótaheitið mitt og það skal takast, ég er svo hryllilega þrjósk að þegar ég set mér markmið þá ganga þau upp, og núna er þrjóskupúkinn kominn í mig. Þetta voru örugglega ein rólegustu jól sem ég hef átt lengi, og aðfangadagskvöld var frábært. Ég var með mín 3 börn, Emma var með Blæng litla og við buðum Michael að vera með okkur líka, enda hef ég engan einan á jólunum. Þetta var frábært, Emma kom með rækjuforrétt og  ég eldaði  Purusteik og jóla-rjómasalatið og svo gerði ég heimatilbúin ís og flamberaði ferska ávexti og heita marssósu. Úff hvað við vorum rosalega södd. Og mikið var ég ofboðslega montinn af krökkunum mínum, þau voru svo góð og Michael var alveg dolfallinn af þeim hann sagði að hann hefði aldrei kynnst svona góðum krökkum áður, og þau voru líka svo góð við hann. Hann hjálpaði mér mikið, bara það að hafa hann og geta spjallað, hann er svo hlýr og góður strákur, frábær vinur. Hann fékk svo að sofa á sófanum og var með okkur allan jóladaginn. Emma vinkona er líka svo frábær, hún er einstök, hún er er mín allra best vinkona. Og hún gerði aðfangadag frábæran. 2 í jólum er svo alltaf fjölskylduboð hjá ömmu og afa, þá er spilað og farið í sjómann, og ég er ennþá ósigruð, sem betur fer, ég er ekki viss um að sjálfsvirðingin myndi þola tap. Ég er svo tapsár. Krakkarnir fóru svo til pabba þeirra eftir boðið og koma ekki heim fyrr en 3. jan. Það kom svo fullt af fólki heim til mín um kvöldið og við fórum á Amor svo í Sjallan og enduðum á Kaffi Akureyri. Ég var frekar þreytt  morguninn eftir, þurfti að vinna smá, sem betur fer bara smá. Guðrún vinkona kom svo í bæinn og við stelpurnar  ákváðum að skella okkur á Húsavík, að sjá Einar og félaga taka nokkur vel valin lög eftir Pink floyd á Sölku. Við sátum með gæsahúð og með tárin í augunum þegar þeir spiluðu nokkur lög. Þeir voru svo rosalega góðir. 4 stjörnur, það var líka gaman að því að þeir byggðu þetta upp með  smá fróðleik og spjalli við áhorfendur, þar sem við drukkum í okkur allan fróðleik um Pink floyd. Svo var Emmu og Guðrúnu mútað með mat og við kíktum í smá teiti þar sem var sungið, spjallað og mikið leikið og þar fóru Einar og Guðrún vinkona á kostum, en Skinkan átti sína gullmola alveg skuldlaust og stóð sig í sýnu hlutverki sem allsherjar partýskemmtikraftur. Á föstudaginn fór svo Guðrún vinkona aftur í skagafjörðinn og við Emma skelltum okkur í bíó á Golden compass, sem er bara alveg ágæt skemmtun, og reyndar hló ég mjög mikið þegar upp komst um smá mistök í myndinni þegar Norðmennirnir í litla þorpinu töluðu reiprennandi Íslensku, þá sprakk salurinn úr hlátri. Eftir bíó fórum við á Amor og dönsuðum aðeins og svo var farið snemma heim og ég svaf  til 14:30 geðveikt... það er svo langt síðan að ég hef sofið svona. Ég fór svo aftur snemma að sofa á laugardagskvöldið og svaf til 15 í dag. Ég er að spá í hvort að ég eigi að fara á tónleika með Helga og hljóðfæraleikurunum í kvöld, en ég ætla að sjá til hvað ég geri. kannski sef ég bara meira, ég hef ekki gert þetta síðan ég veit ekki hvenær. Djö.... er þetta gott, vil ekki vinna á morgun en ég verð. Svo er bara gamlárskvöld með fjölskyldunni og svo að vinna á Amor frá kl 01:00 og svo er staffadjamm 1. jan á Amor og við höfum staðinn útaf fyrir okkur. Úff svo bara vinna aftur á fullu 2. jan og þá verður maður bara kominn aftur í rútínuna. En ég ætla að fara að búa til sósuna og leggja á borðið áður en Michael kemur. Og vonandi verð ég hressari á morgun.

bæjó frábæra fólk  

Hæ fólk!

Ég er orðin alveg ótrúlega löt við að blogga, ég er eitthvað svo tóm, kannski að það sé bara þreyta? Hver veit?

En annars er mest lítið að frétta. Ég er bara að vinna núna og reyna að vera húsmóðir, og það er svo ekki ég. Ég hef gaman af því að bjóða fólki í mat, en nenni ekki að elda þegar ég er ein. Þegar börnin mín eru ekki heima þá borða ég stundum ekkert alla helgina, mér finnst svo erfitt að vera ein. Ekkert smá sorgleg!!!!!!!!!! Ég þarf alltaf að hugsa um einhvern/hverja til að geta hugsað um mig.´

Ég fór til miðils um daginn sem heitir Malory og er bresk. Og hún hræddi mig... en ég er nú kannski ekki bókstafstrúar, en það var óhugnanlega margt sem hún sagði sem ég gat tileinkað mér, og stundum þarf maður bara svona smá klapp á bakið. Ég er búin að vera pínu sorgmædd og einmanna uppá síðkastið, kannski jólin, veit ekki. Ég þarf bara smá knús, pínu faðm og einhvern sem fær mig til að hlæja. Ég sakna þess að eiga kærasta, mig langar ekki í mann, það er bara þannig ennþá. Ég þarf tíma til að ná áttum og vera sátt við sjálfa mig. Sjálfsvirðingin mín hefur samt tekið heljarstökk á síðustu mánuðum, og ég er mun sáttari við sjálfa mig en ég hef verið síðustu 10-12 árin. Ég er alltaf að læra betur og betur inn á mig, og það er ótrúlega gaman. Ég veit líka núna hvað ég vil ekki í lífinu og ég er komin með markmið til að stefna að. Ég veit hvað ég vil gera eftir 10- 15 ár. Og ég hlakka til, núna er ég bara að leita leiða til að komast þangað, og ég ætla langt. Get, ætla, skal = gæs. Það er svo margt sem ég hef frestað, til að þóknast öðrum, en núna er það búið. En yfir í annað.

Ég var að spjalla í gærkvöldi á skypinu við Willem gamlan kærasta frá Hollandi og það var ótrúlega gaman, en erfitt, hann er sjálfsagt ein stærsta ástin sem ég hef átt í lífinu og það var hrikalegt að reyna að gleyma honum, og ég komst að því í gær, að því er eins farið hjá honum. Bitter sweet. Þannig leið mér í gær, og ég vil helst ekki opna þessa hurð aftur. Hann er ennþá jafn fallegur, skemmtilegur og flottur gaur. En þetta er að baki og ég get ekki snúið til baka, það væri sjálfsmorð. ég trúi því líka að þetta verði ein af ljúfu minningunum sem ég á alltaf eftir að muna og fá fiðrildi í magann. En nóg af drama.

En ég er veik fyrir hávöxnum, dökkhærðum mönnum, sem eru gáfaðir, vel lesnir, kunna að rökræða og meta list. En þeir þurfa líka að geta komið mér til að hlæja, og geta reitt mig til reiði. Og þeir verða og eiga að bera virðingu fyrir mér.  En ég er ekki að flýta mér, og ekki að leita ég trúi því að ég eigi eftir að nánast detta um næsta mann sem ég kynnist. En núna er ég hætt!!!

bæjó

Þóra Kristín

Hæ, hæ!

Núna er klukkan 05:15 og ég var að skríða heim úr vinnunni, og ég er í djúpum skít. Ég gleymdi vinnusímunum, báðum af bílaleigunni, í hinni vinnunni (kaffi Amor). Þetta er búin að vera hrikaleg helgi, ég vann 21 klukkutíma á föstudaginn og 20 klst. á laugardaginn. úff hvað ég er þreytt í skrokknum. Ég er reyndar svo uppspennt núna eftir vinnuna á kaffinu að ég er að spá í að fá mér 1 Thule og skella Pulp fiction í videoið. og vona að ég sofni fljótlega. ég á svo erfitt með að sofna þegar ég er búin að vinna svona lengi.

Annars er nú mest lítið að frétta, ég og gaurinn erum hætt að hittast og ég er á hálfgerðum bömmer yfir því, eiginleg bara ofboðslega svekkt. Ég var að fíla þennan gaur alveg í ræmur og ég sakna þess að heyra í honum. En ég hefði ekki átt að vera að spyrja spurninga sem ég vildi ekki heyra svarið við, þannig að þetta er víst miður búið, snökt, snökt. Ég var eiginlega bara grátandi allan daginn sem þetta gerðist, en sem betur fer sá hann það ekki og honum er sjálfsagt skít sama. En svona er nú víst lífið, og ég jafna mig vonandi fljótlega. Það vantar nú samt ekki mennina í lífið hjá mér og ég skil ekki alveg hvað er að gerast, því að ég er ekki vön að fá svona ofboðslega mikla athygli. En ég er ennþá með gaurinn í huganum og er ekki alveg til í að láta drulla svona yfir mig aftur í bráð. Win some, lose some. Ég er samt að hugsa um að fara til Reykjavíkur næstu helgi að djamma með strákunum, það er voða freistandi, en Emma vinkona er líka að fara að leika í sýningu og hún var að bjóða mér á hana, líka næstu helgi og mig langar að sjá hana líka. ég veit ekkert hvað ég á að gera. Það ræðst bara næstu daga. En ég er bara svo hrædd um að gera einhvern andskotann af mér þegar mér líður eins og mér líður núna. En nóg af þessu volæði, ég ætla að setja inn 3 myndir núna og fara svo að sofa. þær eru af vinum mínum, Fúsa, Gunna og Kristjáni, en þeir kíktu í vinnuna til að reyna að hressa mig við um helgina. Ég elska þá alla þeir eru yndislegir.

Ég vona bara að það verði ekki 10 misst calls á vinnusímunum á morgun. best að kíkja á textavarpið áður en ég fer að sofa, og ath. hvenær fyrsta flug er. Góða nótt yndislega fólk. 

Kveðja Þóra.